Pavarësisht thirrjes së Komisionit Qendror të Zgjedhjeve që partitë politike të dorëzojnë në mënyrë urgjente propozimet për komisionerë, për arsye se koha nga mbajtja e zgjedhjeve të 25 qershorit është e limituar, partitë politike nuk i kanë dorëzuar as sot, duke vënë në rrezik procesin zgjedhor.
Nëpërmjet një deklarate për mediat, KQZ, dje, bëri me dije se ditën e sotme, në zbatim të nenit 100 të Kodit Zgjedhor, fillon shpërndarja e materialeve zgjedhore nga KZAZ-të drejt Qendrave të Votimit, procesi i cili duhet të përmbyllet 15 orë para hapjes së votimit.
Sipas saj, ky proces i rëndësishëm po vihet në rrezik, partitë politike ende nuk po depozitojnë propozimet për komisionerët e qendrave të votimit.
Me shumë gjasa, jo vetëm frika e blerjes së votës, por edhe blerja e komisionerëve ka bërë që partitë politike të çojnë deri në limitet e fundit të afatit kohor dërgimin e emrave në KQZ.
Nga informacioni i përditësuar rezulton se 16 KZAZ nuk kanë përmbyllur emërimet e anëtarëve të KQV-ve.
Konkretisht:
1- Qarku Shkodër, nuk kanë emëruar anëtarët e KQV-ve;
KZAZ 2 – PS, PD, PR nuk kanë dorëzuar listën emërore me dokumentacionin shoqërues për komisionerët.
KZAZ 3 – PR nuk ka dorëzuar listën emërore me dokumentacionin shoqërues për komisionerët.
KZAZ 4 – PD,PS nuk kanë dorëzuar listën emërore me dokumentacionin shoqërues për komisionerët.
KZAZ 5 – PD, PS, PR nuk kanë dorëzuar listën emërore me dokumentacionin shoqërues për komisionerët.
2- Qarku Lezhë, nuk kanë emëruar anëtarët e KQV-ve;
KZAZ 12 dhe KZAZ 13 – PR nuk ka dorëzuar listën emërore me dokumentacionin shoqërues për komisionerët.
2- Qarku Elbasan, KZAZ të cilat ende nuk kanë emëruar anëtarët e KQV-ve.
KZAZ 47-48-50 – PD, LSI, PS, PR nuk kanë dorëzuar listën emërore me dokumentacionin shoqërues për komisionerët.
KZAZ 49 – PD nuk ka dorëzuar listën emërore me dokumentacionin shoqërues për komisionerët.
3- Qarku Durrës, nuk kanë emëruar anëtarët e KQV-ve;
KZAZ 21- PD, LSI, PS, PR nuk kanë dorëzuar listën emërore me dokumentacionin shoqërues për komisionerët.
KZAZ 22, KZAZ 23, KZAZ 24 – PR nuk ka dorëzuar listën emërore me dokumentacionin shoqërues për komisionerët.
4- Qarku Fier, nuk kanë emëruar anëtarët e KQV-ve;
KZAZ 56 – PD, PR, nuk kanë dorëzuar listën emërore me dokumentacionin shoqërues për komisionerët.
5- Qarku Korçë, ende nuk kanë emëruar anëtarët e KQV-ve;
KZAZ 67 – PD, PS, PR nuk kanë dorëzuar listën emërore me dokumentacionin shoqërues për komisionerët.
Komisioni Qendror i Zgjedhjeve i kërkon partive politike që të mos bëhen pengëse për administrimin e procesit zgjedhor, dhe të dorëzojnë urgjentisht listat emërore për komisionerëte QV-ve me dokumentacionin përkatës pranë KZAZ-ve të sipërcituara.
