Dashi: gjendje amullie
Duke qenë se ju mbizotëroheni nga planeti i veprimit dhe marrjes së vendimeve, ju e urreni të ndenjurën kot. Në fakt, instikti juaj ju thotë se të rrish në të njëjtin vend apo në të njëjtën gjendje për një kohë të gjatë është njësoj sit ë bësh hapa prapa. Kini parasysh që të ecni përpara nuk është gjithmonë drejtimi i duhur. Ndoshta është më mirë ndonjëherë të rrini aty ku jeni apo të bëni dy hapa anash.
Demi: mungesa e qendrueshmërisë
Mbase ju lodh të dëgjoni gjithë kohës që Demi nuk pëlqen asgjë veç rutinës, por kjo është e vërtetë sepse ju nuk e përballoni dot një ndryshim që ndërpret sistemin e jetës tuaj të përditshme. Ju besoni thellësisht që nga strukturimi vjen siguria. Ju ecni me një ritëm tuajin dhe kjo ju lejon të parashikoni çdo gjë që vjen drejt jush. Por një shkundje e herëpashershme nuk do ta shembë të gjithë jetën që keni ndërtuar deri tani. Në fakt mund të sjellë gjëra të mira.
Binjakët: vetmia
Çfarë është një intervistues pa një subjekt, një marrës në pyetje pa një të dyshuar, apo një Binjak që nuk ka një shok me të cilin të bisedojë gjithmonë? Duke qenë se mbizotëroheni nga planeti i komunikimit, mërkuri, shenja juaj ka nevojë për mbledhje, grupime dhe socializim. Kur ju mbeteni vetëm frikësoheni nga mendimet tuaja.
Gaforrja: e panjohura
Ju jeni të qartë për atë që pëlqeni dhe mund ta gjeni pjesën më të madhe ( në mos të gjithën) te rehatia e shtëpisë tuaj. Cila gaforre do të dilte ndonjëherë nga guaska e saj? Për fat të keq, kjo ushqen frikën nga çdo gjë jashtë zonës suaj të rehatisë. E panjohura është e frikshme, por nuk duhet t’ju pengojë deri në pikën që ju të mos e konsideroni një punë të re, lidhje apo një situatë të pakëndshme në të cilën po jetoni.
Luani: anonimiteti
Jo çdo Luan është i destinuar për famë dhe pasuri, por më mirë të hidhni çdo gjë poshtë sesa të mos merrni lavdërime dhe mirënjohjen për punën tuaj. Edhe nëse nuk jeni i dhënë pas vëmendjes, ju sërish dëshironi të mbaheni mend për punën që keni bërë dhe për mirësinë që keni treguar me të tjerërt. Mos e lini frikën e të qenurit i harruar t’ju largojë nga fokusi.
Virgjëresha: padobia
Ju jeni gjithnjë të parët që ofroni një leukoplast, ujë, të fshini dyshemenë apo të jepni këshilla. Ju frikëson tejmase mendimi që njerëzit nuk do t’jua kenë nevojën. Ju jeni të përgatitur për çdo gjë, në mënyrë që kur dikush t’ju kërkojë ndihmë ju t’ja ofroni. Të jeni i padobishëm për një moment nuk do t’jua shkatërrojë reputacionin. Ndonjëherë njerëzit dinë t’i zgjidhin vetë punët e tyre.
Peshorja: e ardhmja
Ajo që ushqen frikën tuaj më shumë është fakti që mund të jeni duke marrë vendimet e gabuara. Ju mendoheni gjatë për vendimet që merrni, sidomos nëse këto vendime janë të rëndësishme ku luhet e ardhmja juaj. Mos e lini frikën nga e panjohura t’ju pengojë lëvizjen.
Akrepi: humbja
Ju nuk do ta pranoni kurrë, por jeni posesivë. Ju jeni fëmija që e doni topin vetëm kur shihni një fëmijë tjetër duke luajtur me të. Ju turreni për të mbrojtur të dashurit tuaj dhe sendet e vyera në momentin që ndiheni të kërcënuar nga humbja e tyre. Kjo fjalë nuk është fare në fjalorin tuaj. Nuk ka asgjë të keqe të ruash, por frika e të lënurit të shkojë mund të pengojë zhvillime të bukura.
Shigjetari: injoranca
Ju jeni shkollarë, filozofë dhe eksplorues. E urreni të pranoni që nuk dini diçka, ose më keq akoma, most ë kuptoni për çfarë po flitet. Është e vështirë, pak e frikshmë por duhet ta pranoni që çdo njeri do dëshironte të ishte më inteligjent, më i përditësuar, më i kulturuar etj. Ana e mirë e kësaj është që pot a pranoni që nuk e dini diçka, do ta mësoni në atë moment, ose do të keni mundësinë të leoni për diçka të re.
Bricjapi: dështimi
Ju fokusoheni aq shumë te maja e malit sa refuzoni të shihni që anash jush ka një rrugë më të thjeshtë për të arritur. Ju e masni suksesin me të mira materiale; nëse këto nuk vijnë në fund të punës tuaj, ju e konsideroni dështim. Mos e zhysni vetën në një spirale mendimesh negative. Në vend të kësaj, ripërcaktoni domethënien e suksesit për ju.
Ujori: mungesa e autenticitetit
Ju jeni inovatori i zodiakut dhe ai që caktoni kufijtë e rinj. Kjo ju çon të mendoni që origjialiteti është gjëja më e rëndësishme. Ajo që ju frikëson më shumë është që idetë e juaja të reja do të sfidohen apo duplikohen, ose më keq akoma, do të zbuloni që këtë ide e ka pasur dikush tjetër para jush. Këto mendime nuk duhet t’ju pengojnë që t’i ndani ato me të tjerët.
Peshqit: konflikti
Të mos pëlqeni dikë apo dikush mos t’ju pëlqejë juve nuk do t’ju mbajë zgjuar natën, port ë keni një konflikt po. Sikur të mos mjaftonte kurajoja që të përballeni me dikë, imagjinata juaj teksa bëni llogaritë që vijnë pas e bën akoma me të lodhshme. Juve ju friksojnë konfliktet, por për fat të mirë keni në dorë edhe antihelmin: vetëbesimin./Opinion.al
