Wuhani, qyteti kinez i cili konsiderohet si epiqendra e koronavirusit po ndërton një plan për të testuar të gjithë popullatën e tij prej 11 milionë banorësh për Covid-19.
Njoftimi bëhet nga media publike vendase, e cila sqaron se plani është ende në fazat fillestare dhe po kërkohet një mënyrë se si testimet mund të bëhen brenda 10 ditëve.
Me përmirësimin e situatës, Wuhani hoqi masat kufizuese strikte me 8 prill. Përpara kësaj fundjave, nuk raportonte të infektuar që prej 3 prillit. Por të dielën, qyteti raportoi infeksionin e parë prej datës 3 prill, ndërsa dje ka konfirmuar edhe pesë raste të tjera.
Sipas autoriteteve atje, të gjithë të infektuarit e rinj janë identifikuar në të njëjtin kompleks banesash, dhe janë klasifikuar si asimptomatike. Por megjithatë kjo ka shtuar frikën për një valë të dytë infeksioni./Opinion.al
