“Demokratët duhet të fitojnë me shumë diferencë në zgjedhjet e vitit 2020, ndryshe Donald Trump nuk do ta pranojë humbjen”. Është kjo “frika” e drejtueses së Dhomës së Përfaqësuesve në Shtetet e Bashkuara të Amerikës, Nancy Pelosi.
Në intervistën për “New York Times”, 79-vjeçarja Pelosi ka parashikuar se Trump do të kontestojë rezultatin në rast se humb me pak vota diferencë.
“Duhet të jemi të përgatitur për këtë gjë. Nëse diferenca do të jetë e vogël, ai do të kundërshtojë rezultatin dhe do të përpiqet të qëndrojë në pushtet”, ka thënë Pelosi.
Nancy Pelosi është gruaja e parë që mban postin e Kryetares së Dhomës së Përfaqësuesve në SHBA. Pas Presidentit dhe Zëvendëspresidentit, ajo është figura e tretë më e fuqishme politike e vendit./Opinion.al
