Ka mberrritur sot para Gjykatës së Vlorës për caktimin e masës së sigurisë, Kandidati i koalicionit “Bashkë Fitojmë” për Himarën Fredi Beleri.
Beleri u arrestua dje me urdhër të Prokurorisë së Vlorës për korrupsion aktiv në zgjedhje.
Në gjykatën e Vlorës, gjithashtu është e pranishme edhe ambasadorja greke e akredituar në Shqipëri, Konstantina Kamitsi.
Beleri u ndalua pas mesnatës në lokalin e tij në shëtitoren e Himarës. Ai ndodhej bashkë me tre persona të tjerë, mes të cilëve edhe avokati i tij. Bashkë me Belerin u vu në pranga edhe Pano Kokoveshi, njëri prej shoqëruesve të kandidatit për kryetar bashkie në Himarë. Në cilësinë e provës materiale është sekuestruar një shumë monetare prej 40 000 lekësh të rinj.
Ndërkaq, Fredi Beleri u bë pjesë e debatit politik në mesjavë edhe për shkak të një deklarate që bëri gjatë një interviste për gazetën greke ‘Protothema’, në të cilën ai përmendi një plan për helenizimin e Himarës.
