Drejtoria e Burgjeve ka reaguar zyrtarisht mesditën e sotme në lidhje me lejen e Fredi Belerit për të bërë betimin në Parlamentin Europian.
Nëpërmjet një njoftimi në rrjetet sociale, Drejtoria e Burgjeve shkruan se leja e Belerit do të nisë të henën më 15 korrik, kur ai do të udhëtojë drejt Francës dhe do t’i përfundojë më 20 korrik.
Njoftimi i plotë:
Pas kërkesës së të dënuarit Dhionisis (Alfred) Beleri për leje shpërblyese në funksion të ndjekjes së punimeve në Parlamantin Europian në datat 15-20 korrik 2024 në Strasburg, referuar Urdhërit të Drejtorit të Përgjithshëm nr. 733 prot, datë 04.06.2024 “Për përbërjen dhe funksionimin e Bordit të Monitorimit të dhënies së lejes shpërblyese dhe të veçanta për të burgosurit në IEVP” është dhënë leje shpërblyese për të dënuarin Dhionisis (Alfred) Beleri nga data 15 korrik deri në 20 korrik 2024. Pas përfundimit të lejes pesë ditore, i dënuari Alfred Beleri do të kthehet në burgun e Fierit për të vazhduar kryerjen e dënimit, sipas vendimit të GJKKO.
