Një djalë 8-vjeçar ka humbur jetën dhe nëna e tij u plagos teksa po prisnin trenin në stacionin qendror të Frankfurtit në Gjermani.
Një burrë nga ka shtyrë gruan dhe djalin e vogël mbi shina teksa treni po afrohej me shpejtësi për në stacion.
Nëna arriti të shpëtojë, por vogëlushi u përplas me trenin, duke marrë plagë të rënda dhe nuk mundi të jetonte bëjnë të ditur autoritetet.
Autori tentoi të largohej menjëherë nga vendngjarja por u ndoq nga qytetarët dhe u arrestua. Ai është një 40 vjeçar nga Eritrea, ndërkohë që nuk bëhet i ditur identiteti i tij.
Policia tha se nuk dihen ende motivet e kësaj ngjarje tragjike, por një zëdhënës ka deklaruar se autori i ngjarjes nuk kishte asnjë njohje me nënën dhe djalin. Lidhur me ngjarjen ka nisur një hetim.
Ministri i Brendshëm Horst Seehofer ndërpreu menjëherë pushimet e tij të verës dhe tha se do të takohej me zyrtarët kryesorë të sigurisë.
“Motivi për këtë krim të neveritshëm është ende i paqartë,” tha ministri Seehofer.
Ky sulm vjen 10 ditë pasi një grua 34-vjeçare u shty për vdekje përpara një treni nga një burrë në qytetin gjerman të Voerde. /Opinion.al
