Prestigjiozja franceze, France24, i ka kushtuar një artikull gjendjes së Gjykatës së Lartë në Shqipëri dhe ngërçin që është krijuar në sajë të reformës në drejtësi.
“Brenda sallave të ndërtesës së qetë të Gjykatës se Lartë të Shqipërisë, një orë në mur është ndalur” hap artikullin France 24.
Në artikull përshkruhet se si procesi i vettingut ka lënë pa kuorumin e nevojshëm Gjykatën e Lartë duke e bërë atë jo funksionale që nga Maji i 2019.
“Në vitin 2014 kishte 17 (gjyqtarë), në 2019 mbeten vetëm dy,” shpjegon Ida Vodica, zëdhënëse e Gjykatës së Lartë për France24.
Aty theksohet se ju nënshtrua një procesi intensiv vettingu për të pastruar nga rrënjët një sistem “ku avokatët kanë thënë se në shumicën e punës së tyre po veprojnë si “sekser” për të negociuar madhësinë e një ryshfeti” shkruhet në artikull.
Artikulli ironizon disa raste kur vettingu ka shkarkuar prokurorë ose gjyqtarë të cilët janë justifikuar për pasuritë e tyre se i kanë fituar nga fati në baste ose dhuratat e dasmës.
“Ishte një histori e ngjashme për një prokuror i cili në muajin nëntor nuk arriti të bindë panelin se mijëra euro (në dollarë) në të ardhura ishin rezultat i një breshëri me fat në bastet sportive.
Ndërkohë, një gjykatës i Gjykatës Kushtetuese u përpoq më kot të shpjegonte se ai mori dhurata me vlerë prej 15,000 euro me rastin e martesës së vajzës së tij.”
Megjithatë pasojat e kësaj reforme, të duartrokitur nga BE si “vendimtare për rivendosjen e besimit të publikut në gjyqësor”, bien te qytetarët të cilët nuk gjejnë zgjidhje për problemet e tyre. Për të ilustruar këtë artikulli sjell shembull mes 32 mijë dosjeve të paprekura.
“Por njerëzit e zakonshëm si Ruze Iso 62-vjeçare janë viktima të stanjacionit gjyqësor. Që nga viti 2018 ajo ka kërkuar nga Gjykata e Lartë që të anulojë konfiskimin e shtëpisë së saj mbi një borxh, duke pretenduar se vendimi ishte bazuar në dokumente të rreme të falsifikuara nga zyrtarët e korruptuar ligjorë.
“Burri im është i sëmurë, ne jemi të gjithë në rrugë,” thotë ajo, duke shpjeguar se ata tani jetojnë në një garazh të braktisur.
Rasti i saj ka të ngjarë në mesin e maleve të dokumenteve që po mbushin dhoma arkivore, zyra boshe dhe sallone të errëta dhe grumbullimin e pluhurit.” shkruan France24.
Aty është marrë në intervistë kryetari i gjykatës Xhezair Zaganjori i cili është shprehur se “në fund të verës ose në fillim të shtatorit ndoshta do të arrijnë katër ose pesë gjyqtarë të rinj për të marrë dosjet”.
Ndërsa thotë se Sokol Sadushi, reformat janë të nevojshme, pavarësisht nga efektet anësore të padëshiruara.
“Korrupsioni, papërgjegjësia, mungesa e profesionalizmit dhe influenca politike kanë kërkuar masa radikale dhe pastrim urgjent të drejtësisë për të rikthyer besimin” e qytetarëve.”
Artikulli nuk lë pa përmendur gjendjen aktuale të Shqipërisë dhe përshkruan qeverinë “të zhytur në një krizë politike, pa një shtyllë kryesore të demokracisë”. /Opinion.al
