Një ngjarje e rëndë është regjistruar këtë të hënë në Francë. Reuters raporton se një prift francez është vrarë nga një qytetar nga Ruanda, i dyshuar më parë për shkaktimin e një zjarri të madh që shkatërroi katedralen në qytetin francez të Nantës vitin e kaluar.
40-vjeçari u vetëdorëzua në mëngjes pas ngjarjes në një stacion policor në qytetin e Mortagne-sur-Sevre ku dhe dëshmoi për krimin e rëndë. Menjëherë më pas, policia gjeti trupin e priftit në Saint-Laurent-sur-Sevre, në rajonin Vendee.
Për ngjarjen reagoi edhe Ministri i Brendshëm Francez, Gerald Darmanin.
“E gjithë mbështetja ime shkon për katolikët në vendin tonë pas vrasjes dramatike të një prifti në Vendee. Unë jam duke shkuar atje,” shkroi ministri në Twitter.
Reuters shkruan se vrasja do të rrisë presionin mbi Presidentin Emmanuel Macron lidhur me politikën e tij të sigurisë dhe imigracionit, tetë muaj nga zgjedhjet presidenciale./Opinion.al
