Shqipëria sot do të përballet në “Parc de Princes” më kombëtaren franceze. Edi Reja një ditë më parë u shpreh optimist për një rezultat pozitivë, por në fokus të takimit është shmangia e humbjes pasi dhe një barazim do të ishte e kënaqshme.
Skuadra shqiptare ka disa probleme në pozicione kyçe të skuadrës gjë e cila rrit rrezikshmërinë e humbjes, por as francezët nuk mbeten pas, pasi kanë disa mungesa si Kylian Mbappé, Pogba, Kanté, Ndombele, apo Laporte.
Mësohet se për të frenuar Antoine Grizmann me shokë, trajneri Reja pritet të hedhë në fushë një skuadër defensive, me rreshtimin 4-1-4-1. Përpara portierit Strakosha pritet të rreshtohen Hysaj, Ismajili, Mavraj dhe Veseli, të cilët në mbështetje do të kenë edhe Ramadanin.
Sipas provave të kuqezinjve, në mesfushë pritet të ketë disa ndryshime. Bare mendohet të aktivizohet titullar, ashtu sikurse edhe prurja më e re, Klaus Gjasula.
Abrashi dhe Uzuni duke mbështetur njëri-tjetrin do të jenë motorët e skuadrës si dhe mbështetës të sulmuesit Bekim Balaj.
Kujtojmë që Franca kryeson Grupin H kualifikues, ku ka grumbulluar 9 pikë, pas tre fitoreve në katër ndeshje./ Opinion.al E.Xh.
