“Marrëzia” e huliganëve duket se nuk njeh fund. Në Lilë, menjëherë pas ndeshjes mes Rusisë dhe Sllovakisë kanë “plasur” incidente të reja dhe janë dëgjuar edhe disa shpërthime. Në fushën e betejës ishin sërish huliganët rusë kundër atyre anglezë që u bashkuan me ata uellsian. Tifozët britanikë kishin ardhur nga Lens, 40 kilometra më larg, ku nesër do të luajë Anglia kundër Uellsit.
Policia u detyrua të ndërhynte me grupe të shumtë në numër dhe përdori gaz lotsjellës për të ndarë palët që po ziheshin me njëri tjetrin. Tetë prej këtyre huliganëve kanë përfunduar nën pranga dhe qarkullojnë zëra se njëri prej tyre është plagosur. Autoritetet franceze kanë përjashtuar nga vendi rreth 50 tifozë, që kur ka nisur Euro 2016, për shkak të rrëmujave të mëparshme në Marsejë dhe Lillë. Ky episod bëri që Kremlini të thërriste për pyetje ambasadorin e Francës në Rusi, JeanMaurice Ripert.
