Presidenti i Federatës Shqiptare të Futbollit, nuk e ka parë me pesimizëm shortin e hedhur në Paris, edhe pse do të dëshironte që njërën prej skuadrave të cilat u shortuan me Shqipërinë, të mos e kishte ne grup.
“Të gjitha skuadrat e Evropianit janë shumë të mira dhe shumë të forta dhe nuk mund të thuash me këtë apo atë kundërshtar do ta kemi më të lehtë. Realisht nuk do ta dëshiroja ndeshjen e parë me Zvicrën, por pak më vonë. Do më pëlqente më tepër përplasja e parë me Francën, ndërsa me Zvicrën do të jetë një betejë e hapur. Por, ky është shorti, ne do të përgatitemi të bëjmë më të mirën për ta kaluar grupin. Po ti zgjidhja me dorë, ndoshta do të preferoja një ekip tjetër, jo Zvicrën”, shprehet Duka.
