“Franca pret një raport mbi reformat e kërkuara ndaj Shqipëria dhe Maqedonia e Veriut”.
Kështu deklaroi ministrja franceze e Integrimit, Amélie de Montchalin, e cila ka qenë e para që reagoi pas prezantimit të metodologjisë së re të Komisionit Evropian, sa i përket zgjerimit të BE-së.
“Vota franceze nuk do të varet vetëm nga metodologjia e re dhe nuk kemi ndërmend një miratim automatik të çeljes së negociatave me Maqedoninë e Veriut dhe Shqipërinë”, ka thënë më tej ministrja franceze.
Sipas analistëve në Bruksel, me metodologjinë e re, anëtarësimi i një vendi në Bashkimin Evropian do të jetë më i vështirë se kurrë dhe shtetet anëtare të BE-së, e jo burokratët në Bruksel, do të jenë në vendin e shoferit kur të bëhet fjalë për politikën e zgjerimit të BE-së.
Ata thonë se në fund të fundit, është një lajm i keq për vendet e Ballkanit Perëndimor që synojnë anëtarësimin në BE, por edhe për vendet si: Gjeorgjia, Moldavia dhe Ukraina./ Opinion.al
