Ministria e Jashtme e Francës u ka kërkuar qytetarëve të saj mos të udhëtojnë në ditët në vijim në Iran, Liban, Izrael dhe Palestinë.
Në një deklaratë për mediat, ministria shprehet se për shkak të rritjes së tensioneve në Lindjen e Mesme, shtetasit francezë duhet të “përmbahen” nga udhëtimet në drejtim të këtyre shteteve.
Po ashtu në njoftim, thuhet se kthimi i familjeve të stafit diplomatik nga Teherani dhe ndalesa për misionet nga zyrtarët francezë në ato vende janë dy masa të tjera të miratuara nga ministri i Jashtëm, Stephane Sejourne.
Zhvillimi vjen për shkak të shqetësimeve për një konflikt më të gjerë në rajon, veçanërisht pasi shtatë anëtarë të Gardës Revolucionare Islamike të Iranit, duke përfshirë dy gjeneralë të lartë, u vranë në një sulm ajror në konsullatën e Iranit në Siri.
Irani e ka akuzuar Izraelin për kryerjen e sulmit dhe është zotuar të përgjigjet.
Izraeli, megjithatë, nuk e ka marrë zyrtarisht përgjegjësinë për sulmin.
