Kombëtarja e Francës është ekipi më i shtrenjtë në Botërorin ‘Rusi 2018’, pasi vlerat e futbollistëve në total të të gjithë ekipit shkojnë në 1 miliardë e 80 milionë.
Lajmi është publikuar nga e përditshjma franceze “L’Equipe”, ku ‘gjelat’ vlejnë 1 miliard e 80 milionë euro dhe kanë yje në skuadër si Mbappe dhe Griezmann që vlejnë nga 120 milionë euro.
Në vendin e dytë qendron Spanja, futbollistët e të cilës kapin vlerën e 1 miliardë e 40 milionë euro, ndërsa vendin e fundit të podiumit e mbyll kombëtarja e Brazilit që kap shumën e 952 milionë euro.
Shumë poshtë renditet kombëtarja argjentinase dhe portugeze, respektivisht në vendin e 7 dhe të 8, megjithëse kanë yje në skuadër si Lionnel Messi dhe Cristiano Ronaldo.
Vendin e fundit si kombëtarja me më pak vlerë e këtij Botërori është Panamaja me një total prej 9.4 milionë euro.
