Frajburgu po kalon një moment super në Bundesligë. Skuadra e Amir Abrashit ka arritur të marrë një fitore tepër të rëndësishme në kampionat, ku mposhti 1-2 në transfertë Frankfurtin.
Ishte një ndeshje mjaft e luftuar, teksa Amir Abrashi e nisi ndeshjen nga pankina për t’u hedhur në fushën e lojës në minutën e 82′ të lojës.
Me këtë fitore, ekipi i mesfushorit shqiptar tashmë mund të ëndërrojë të kapë edhe Kupat e Europës, pasi vendi i 6-të tashmë është vetëm 2 pikë larg.
Padyshim kjo është surpriza më e madhe e sezonit në Bundesligë, pas asaj të Lajpcigut, teksa një ekip i rikthyer në Bundesligë nga kategoria inferiore synon të arrijë në Europa League./ Sportal.al
