Fqinjët e 26-vjeçarit Martin Çeco, i cili u mbyt me litar nga tre persona dhe më pas u hodh në rezervuar, kanë folur për mediat.
Ata kanë treguar se 26-vjeçari ishte një person shumë pozitiv dhe i qetë, ndërsa për familjen e tij theksojnë se nuk janë aspak problematik por punëtor.
“Djalë shumë i mirë, ne po bëjmë vite afër kësaj familje jemi komshinj, ata shikonin punën e tyre. Ne jemi habitur s’po marrim dot veten, i ati se ka kuptuar akoma është në gjendje shumë të rëndë, edhe i vëllai donte të mbytej mbrëmë”,-tha fqinja e familjes Çeço.
Më tej ajo ka bërë me dije se i ati i të ndjerit ndodhet në gjendje të rëndë shëndetësore dhe është transportuar në spital pasi mori vesh lajmin e kobshëm.
“E kemi shpënë në spital të atin, është shumë keq. Motra e ka denoncuar rastin në polici. Djali nuk prekte një mizë, nuk ishte problematik, at e bir punonin, janë në kushte skandaloze por punonin dhe jetonin me krahët e tyre”,-ka thënë ajo shkruan BalkanWeb.
