Të gjihë e kujtojnë si ish-ministrin antikonformist që vazhdon të godasë edhe sot me postimet e tij pikante ndaj çdo zhvillimi politik në vend.
Të gjithë kujtojnë në fakt edhe largimin e tij nga qeveria, sipasojë e mosbindjes nga Kryeministrit e që sikurse u tha, u bë shkak edhe për konfliktet e këtij të fundit me kreu e LSI, asokohe brenda koalicionit.
Largimi i Ylli Manjanit nga qeveria, u shoqërua në fakt edhe me një ftohje të tij me LSI, forcën politike që kishte përfaqësuar deri atëherë në qeveri.
Por duket se ky raport i ftohtë tashmë ka marr fund. Sikurse kishte paralajmëruar, Manjani ka qenë sot në protestën e zhvilluar nga opozita në bulevard.
Dhe kamerat nuk e kanë kursyer një moment, kur në fund të protestës, kryetarja e LSI Monika Kryemadhi e ka dalluar mes turmës ish-ministrin dhe e ka ftuar t’i bashkohet grupit të LSI.
Manjani, i veshur me pallto dhe nje kapele te zeze, nuk ka hezituar dhe I është bashkuar grupit ku veç Kryemadhit bënte pjesë edhe Nora Malaj, Petrit Vasili, Endrit Brahimllari dhe eksponentë të tjerë të LSI.
