Kjo është Elida Cani, tashmë e arrestuar nga policia për fshehje të krimit, dëshmitare në vrasjen e të dashurit të saj, një krim i kryer nga i vëllai dhe burri i saj.
Një lidhje jashtëmartesore e motrës së tij, ka bërë që Esat Cani të qëllojë për vdekje mbi Arben Gjeçin, burrin me të cilin e motra kishte këtë raport.
Ngjarja ndodhi të shtunën në periferi të Tiranës në fshatin Bastar i Mesëm. Ka qenë Dëfrim Kurti bashkëshorti i 20-vjeçares Elida Cani, i cili ka dyshuar fillimisht për tradhtinë e së shoqes. Ai ka njoftuar për këto dyshime vëllain e Elidës, Esat Cani dhe të dy së bashku janë vënë në ndjekje të saj duke e gjetur në një kasolle pranë banesës së 34-vjeçarit Arben Gjeçi. Ishte pikërisht ky person, babai i tre fëmijëve, burri me të cilin Elida Cani kishte lidhje jashtëmartesore.
Ne foto: Esat Cani, vellai i Elides
Pikërisht aty ata janë përplasur me të dhe e kanë qëlluar për vdekje me mjete të forta në kokë. Më pas e kanë hehdur mes disa shkurreve, ku e kanë gjetur kalimtar të zonës. Sikurse bëhet me dije, policia ka arrestuar Esat Canin për autorësinë e ngjarjes, ndërkohë që motra e tij Elida Cani dhe bashkëhsorti i saj Dëfrim Kurti janë ndaluar për fshehje të krimit. / M.B
