Ditën e djeshme u nda nga jeta djali i aktores së mirënjohur Tinka Kurti. Të shumta ishin ngushëllimet në adresë të aktores, për Zef Kurtin, që ajo e kishte djal të vetëm. Zef Kurti u nda nga jeta në moshën 64-vjeçare si pasojë e një infarkti. Këtë informacion e ka dhënë miku i tij Ralf Gjoni, i cili ka qenë i angazhuar politikisht me LSI-në. Ai ndër të tjera ka bërë me dije se Zefi do të varroset në Ontario, Kanada, vend në të cilin edhe jetonte.
R.I.P. ZEF KURTI. 
? U hidhërova pafundësisht për ndarjen e parakohshme nga jeta të mikut tim të mirë Zef Kurti, i cili vdiq mbrëmë në moshën 64 vjeçare pas një infarkti. Ngushëllime të sinqerta bashkëshortes e dy djemve të tij Paul & Glen, dhe Zoti i dhëntë forcë familjarëve e veçanërisht nënës së tij të shtrenjtë Tinka Kurti, të cilën ai e kishte gjithnjë merak. Për të gjithë miqtë e Zefit, varrimi bëhet këtë javë në London, Ontario, Kanada. Të qoftë dheu i lehtë Zef i dashur. Do na mungojë e qeshura, mirësia e fisnikëria që të shoqëronin kudo nga shkoje… 
☹️
✝️ – shkruan Gjoni.
Një tjetër ngushëllim ka ardhur nga pastori i njohur Paulin Vilajeti, që mesa duket e kishte mik të ndjerin. Ai ka postuar në “Facebook” një foto të tyren të para shumë vitesh, dhe bashkangjitur fotos shkruan:
“Zef Kurti, sapo mora vesh ndarjen tënde nga kjo jetë! Gjeta foton tonë të rinisë dhe jam i bindur që një ditë do të të gjej atje tek Krishti e do jemi bashkë në përjetësi por sonte dhimbja më ka pushtuar!
