Një operacion i rëndësishëm i Guardia di Finanza-s së Lecco-s kundër trafikimit të lëndëve narkotike ka çuar në sekuestrimin e 325 kilogramëve hashash dhe arrestimin e dy shqiptarëve.
“Goditja e madhe” ka ndodhur të shtunën e 5 nëntorit, kur efektivët kanë kapur në flagrancë trafikantët në zonën industriale të Cantù teksa transportonin drogën me një kamion, raportojnë sot mediat lokale.
Agjentët e Guardia di Finanza-s bllokuan dy autorët, dhe vijuan me kontrollin e mjetit, që sapo kishte ardhur në Itali nga Spanja.
E fshehur mes rimorkios së kamionit dhe e mbuluar me pjesën tjetër të ngarkesës, e përbërë nga mobilie, efektivët kanë zbuluar më shumë se 352 kg hashash, disa mijëra euro dhe celularë të shumtë.
Në pranga kanë rënë dy shqiptarët: Emin Deliallisi e Alban Kasemi, shpërndarës droge me bazë në Cantù, në provincësn e Komos. Një nga ata rezulton me banim në Cantù të Italis, e tjetri në Durrës.
“Edhe pse operacioni e policisë është mbyllur në provincësn e Komos, pjesa më e madhe e lëndës narkotike ishte e destinuar për tregun e Leçes, si dhe atë të Komos-s e Bergamo-s”, citohet Guardia di Finanza nga mediat lokale.
