Një 25 vjeçare e cila kishte shkuar për pushime ne Greqi, ka përfunduar në spital me dëmtime serioze në kokë.
Britanikja Laurie Jay Balfour ishte në një klub nate me disa mikesha në ishullin Zakinthos, kur papritur i ka rënë në kokë një bombol gazi 95 kg.
Ajo është transportuar për në spitalin e Athinës me një mjet lundrues të ushtrisë dhe i është nënshtruar një operacioni në kokë, por ka rënë në gjendje kome.
Mediat britanike shkruajnë se gjendja e saj është ende e rëndë dhe mjekët po përpiqen për ta mbajtur në jetë.
