Aktorja Rudina Dembacaj ka bërë të ditur zyrtarizimin në martesë të raportit të saj me ish-deputetin Mark Frroku. Përmes një publikimi në rrjetin social Instagram, ajo sjell fotot nga martesa, që sikurse kuptohet është bërë në bashki, në një celebrim nga kryebashkiaku Veliaj.
“Marku dhe unë me besimin se dashuria është bekim, vendosëm edhe ta zyrtarizonim lidhjen tonë. Gëzuar me një vit mbarë plot lumturi nga familja jonë! Rud&Mark ( Shihemi ne dasem)”, shkruan aktorja duke lënë të kuptojë që pas këtij zyrtarizimi do të ketë edhe një ceremoni dasme.
Kujtojmë se si aktorja, vjen në këtë raport pas dështimit të një martese të mëparshme, ndërkohë që edhe për ish-deputetin Frroku, kjo është martesa e dytë. Pak kohë më parë ai humbi bashkëshorten, si pasojë e një sëmundjeje./Opinion.al
