Jeni mërzitur duke jetuar gjithmonë në të njëjtin vend. Keni në mendje të shkoni të jetoni diku tjetër? Nëse doni vërtet diçka ndryshe, hidhuni një sy këtyre qyteteve, të cilat janë më të çuditshmet në planet…
1. Chefchaochen (Marok)
Ky qytet, në provincën Tangeri, spikat për ngjyrën e tij. Çdo ndërtesë është e lyer në ngjyrë blu e bojëqielli.
2. Coober Pedy (Australi)
Është një qytet nëntokësor, në shkretëtirë, në veri të Adelaides. Banorët e saj të parë ishin emigrantë të ardhur nga Europa, në kërkim të një jete më të mirë që, për t’i shpëtuar të nxehtit përvëlues, gërmuan dhe ndërtuan një qytet të vërtetë nëntokë, në të cilin temperatura është gjithnjë konstante.
3. Slab City (SHBA)
Është një vend i cili duket sikur nuk i përket kësaj bote dhe që popullohet kryesisht në muajt e dimrit. Megjithëse nuk ka as ujë dhe as energji elektrike, këtu jetojnë për gjatë gjithë vitit 150 banorë.
4. Colma (SHBA)
Në vitin 1900, qyteti i San Franciskos, pas një urdhri, vendosi t’i ndërtojë varrezat përtej kufijve. Rezultati? Në Colma ka 17 varreza dhe numri i të vdekurve në qytet është më i madh se numri i të gjallëve
5. Manshiyat Naser (Egjipt)
Diferenca mes kësaj lagjeje të varfër të Kajros (me 262,050 banorë sipas Censusit të vitit 2006) dhe një vendgrumbullimi plehrash, është e vogël.
Banorët e këtij komuniteti mbledhin plehrat e Kajros dhe i çojnë pastaj në shtëpi, të cilat përpiqen t’i riciklojnë sa të jetë e mundur. Edhe pse Manshiyat ka rrugë, dyqane, shtëpi, si zona të tjera të qytetit, në të mungon infrastruktura, uji i pijshëm dhe energjia elektrike.
6. The Villages (SHBA)
Ky vend në Florida është vetëm për të moshuarit. Në të organizohen çdo ditë aktivitete të çdo lloji, në të cilat njerëzit socializohen me njëri-tjetrin.
7. Lily Dale (SHBA)
Bëhet fjalë për qytetin në të cilin jetojnë shëruesit më të mëdhenj në botë. Në Lily Dale jetojnë ekskluzivisht vetëm njerëz me fuqi paranormale, por janë të mirëpritur edhe persona të cilët janë të interesuar pas mistereve të botës së përtejme. Në këtë qytet mbahen konferenca, e takime të ndryshme për t’u lidhur me shpirtrat në botën e përtejme.
8. Ishulli Miyake-jima (Japoni)
Banorët e këtij ishulli janë të detyruar me ligj të mbajnë një maskë gazi në fytyrë. Mos u trembni, nuk janë të infektuar. Ata duhet të mbrojnë rrugët e frymëmarrjes nga dioksidi i squfurit që emeton aty pranë vullkani Oyama, që prej shpërthimit të tij të fuqishëm në vitin 2000.
