Gjatë aksionit të Policisë, në shtëpitë e gjashtë aktivistëve të arrestuar të Vetëvendosjes, të dyshuar për sulm ndaj Kuvendit me 4 Gusht, janë gjetur armë të ndryshme zjarri, përfshirë pistoleta dhe armë automatike, bashkë me lloje të ndryshme të plumbave.
Gjatë bastisjes së ditës së sotme u sekuestruan edhe disa telefona të ndryshëm celularë, kompjutera e llaptop, maska dhe helmeta.
Njërit prej të arrestuarve iu gjetën edhe sasi të një lloji substance narkotike- shkruan Gazeta Express.
Kjo provohet edhe në fotografitë e treguara nga Policia dhe Prokuroria në konferencën e përbashkët që u mbajt pak orë pas aksionit. Megjithëse, gjetja e substancave të dyshimta narkotike nuk u përmend në konferencë e as në komunikatën e dërguar pranë mediave.
