Policia e Tiranës ka arrestuar ditën e sotme tre shtetas, të cilët akuzohen për vjedhje në bashkëpunim të të paktën 8 motorëve.
Ata ishin kryer në tmerrin e kryeqytetit duke vjedhur motorë në disa lagje të ndryshme të Tiranës.
Kështu, personi kryesor në këtë skemë vjedhjesh ishte Artan Muça, 41 vjeç, banues në Tiranë. Ai akuzohet për të paktën 8 vjedhje motorësh, që janë dokumentuar tashmë nga ana e Policisë.
Pasi vidhte motorët në Tiranë, Muça i dërgonte ata në Durrës te shtetasit, Bashkim Muça 43 vjeç banues në Manzë dhe tek Ardit Kurti, 20 vjeç, banues në Durrës.
Motorët e vjedhur u gjetën në banesat e këtyre dy personave. Më poshtë janë edhe vjedhjet e dokumentuara të Muçës.
VJEDHJET
1. Më datë 30.06.2016, tek spitali i SQUtës, ka vjedhur motorrin tip “Daihan”, shtetasit S. Sh.
2. Më datë 08.07.2016, në rrugën e “Dibrës”, i ka vjedhur motorrin tip “Piaggio”, shtetasit Y. B.
3. Më datë 01.8.2016, në rrugën “Siri Kodra”, i ka vjedhur motorrin tip “Piaggio”, shtetasit D. U.
4. Më datë 13.09.2016, në rrugën “Besa”, i ka vjedhur motorrin tip “Gumen Moto”, shtetasit H. M.
5. Më datë 13.09.2016, në rrugën “Myslym Keta”, i ka vjedhur motorrin tip “Jamaha”, shtetasit E. P.
6. Më datë 06.04.2016, në rrugën “Burimi” Kamëz, i ka vjedhur mottorin tip “Motorr Cap” (frezë), shtetasit R. B.
7. Më datë 02.05.2016, në “Babrru”, i ka vjedhur motorrin tip “Yinxiang”, shtetasit F. D.
8. Më datë 04.06.2016, në rrugën” Teuta”, i ka vjedhur motorrin tip “Dayang”, shtetasit I. D.
