Kosova është gati të presë zëvendëspresidentin e SHBAve, Joe Biden. Ai mbërrin sot pasdite dhe nesër pritet te zhvillojë disa takime zyrtare me Presidentin Hashim Thaçi dhe Kryeministrin Isa Mustafa.
Për nder të tij, sheshet kryesore të kryeqytetin kanë filluar të dekorohen si zakonisht për vizita të tilla me flamuj të Shteteve të Bashkuara të Amerikës përkrah atyre të Kosovës.
Kjo vizitë ndërkaq, nga mediat e huaja, është cilësuar si vizitë lamtumire nga Zv/presidenti Biden pasi në fund të vitit në SHBA do të mbahen zgjedhjet presidenciale, ku në garë janë Hillary Clinton nga Demokratët dhe Donald Trump nga Republikanët- raporton Koha.net.
