Kjo është ana tjetër e parlamentit. Foto të shkrepura para dhe pas seancës ku çdo të enjte zhvillohen debate të ashpra politike.
Por, jashtë në oborr është tjetër atmosferë. Paparaci i gazetës “Panorama” ka kapur këtë moment miqësor mes Ridvan Bodes dhe Mesila Dodës. Edhe pse Mesila iku nga PD dhe tani aderon në PDIU (parti në koalicionin qeverisës) duket se mes miqve të vjetër nuk ka ndryshuar asgjë…përkundrazi!
Cac Angjeli siç thirret në konfidencë vjen me një super makinë në parlament, një Audi me të cilin duket se konkuron Tom Doshin.
Të enjten që lamë pas ai nuk ishte vetëm, por zbarkoi në oborrin e parlamentit me plot tre deputete socialiste, të cilat ishin shoqëruar me xhentilesë nga kolegu i tyre. Me siguri deputetët mund të vinin nga ndonjë aktivitet i përbashkët, ose nga selia e PS-së.
