Pas terrorit që pësoi, kur persona të aramtosur i grabitën bizhutë e saj me vlerë, duke e kërcënuar me armë në kokë, Kim Kardashian ka lënë Parisin me një avion privat.
Daily Mail publikon fotot e largimit të Kim, nënë masa të rrepta sigurie, e mbuluar dhe e shqëruar me roje. mësohet se përpos bizhuve shumë të cmuar, ajo ka humbur edhe dy telefonët e vet celularë, me të dhëna shumë të rëndësishme personale.
Persona të maskuar kanë kërcënuar me armë yllin televiziv, Kim Kardashian, në dhomën e saj të hotelit në Paris, raporton BBC.
Zëdhënësja e saj tha se Kardashian “është tronditur keq, por nuk është dëmtuar fizikisht”. Policia në Paris tha se bëhet fjalë për një grabitje, që ka përfshirë Kardashian, por ajo nuk është dëmtuar.
Policia ka nisur hetimet. Kardashian, 35 vjeçe, ndodhet në Paris për javën e modës. Burime të policisë kanë thënë se janë vjedhur stoli në vlere 11 milione dollare.
Asaj i kanë vjedhur një kuti me stoli në vlerë prej 6.7 milionë dollarësh dhe një unazë në vlerë prej 4.5 milionë dollarë. Mediat raportojnë se në vjedhje janë përfshirë pesë persona, ndërsa dy prej tyre kanë qenë të maskuar si policë.
Pikërisht personat e maskuar si policë ia kanë drejtuar armën 35 vjeçares dhe nuk e kanë lënë të lëvizë nga dhoma. Burri i saj, këngëtari Kanye West, ka lënë në gjysmë një koncert në Nju Jork, për shkak të incidentit.
