Teksa policia e shtetit ka raportuar zakonisht për parcela me bimë kabisi të asgjesuara, këtë herë gjetjet e policisë i kanë kaluar parashikimet.
Në fshatin Smollik të Bulqizës, policia ka kontrolluar dje territorin dhe ka zbuluar një parcelë të mbjellë me kanasi me 806 bimë që kishin arritur lartësinë e një peme, nga 1.5 deri në 2.5 metra.
Policia i ka prerë bimët e larta dhe i ka djegur, ndërkohë që ka veçuar disa prej tyre si provë materiale për ekzaminime laboratorike.
Sipas policisë, asnjë person nuk është identifikuar si autor i kësaj bimësie.
Hetimet do të vazhdojnë nga Prokuroria e Rrethit Gjyqësor Dibër.
