Një ndërtesë me 300 dhoma me rreth 90 mijë metra katrorë, e rrethuar nga një një pishinë, park dhe me dalje private në det, është vila 60 milionë euroshe super luksoze që presidenti turk Rexhep Tajip Erdogan kishte ndërtuar për pushimet verore në Marmari.
Ndërtimi i këtij pallati kushton 62 milionë euro dhe ka shkaktuar reagime të forta në rrjetet sociale. Në mes të një periudhe krize të rëndë ekonomike të shkaktuar nga pandemia Covid-19 tregohet jeta luksoze presidenciale e cila bie në kurriz të taksapaguesve.
Pamjet e “Pallatit të Verës”, siç u riemërua duke evokuar të ashtuquajturin “Pallati i Bardhë” që kreu i shtetit kishte ndërtuar në kryeqytetin Ankara, u shpërndanë nga gazeta laike e opozitës Sozcu.
Nga ana tjetër, ankesa kanë ardhur edhe nga ambientalistët, pasi zona ku është ngritur godina, i është nënshtruar një shpyllëzimi masiv, për t`i hapur vendin ngritjes së 5 strukturave të dimensioneve të ndryshme që strehojnë veç të tjerash dhe personelin, ndërsa ka vend dhe për një pistë helikopterësh.
