Vendimi në vitin 2009 nga Gjykata e Apelit të Krimeve të Rënda dhënë në dëm të Nelgert dhe Astrit Patës, babë e bir, ku u dënuan përkatësisht 16 dhe 15 vite burg, është ndjekur edhe nga mediat në Norvegji. Të interesuara mbi këtë çështje penale pasi vetë akuza e shfrytëzimit të prostitucionit e ngritur ndaj babë e bir ishte zhvilluar në shtetin norvegjez. Opinion.al sjell një shkrim të së përditshmes norvegjese Adressa.no që mban datën 19 janar 2009 me titulli “Gruas i kërkonin të shiste seks në Trondheim”
“Babai shqiptar dhe i biri që janë konsideruar si kapo në rastin e trafikut të qenieve njerëzore në Trondheim në vitin 2006, janë dënuar në vendin e tyre me burgim të gjatë.
Astrit dhe Nelgert Pata janë dënuar sot me 15 dhe 16 vite burg dhe një gjobë prej 48 mijë euro për mashtrim të grave në Trondheim ku i kanë detyruar të punojnë si prostituta
Kur rasti i trafikut të qenieve njerëzore u trajtua në Trondheim, gjykata e distriktit, në vitin 2006 dënoi 5 persona mbi çështjen.
Dy të dyshuarit kryesore, një baba dhe i biri nga Shqipëria, nuk u arrestuan ose u përndoqën nga gjykatë norvegjese.
Dënimi i ashpër
Kohë më parë u hap një proces gjyqësor penal kundër të dyve në Shqipëri, dhe të hënën e kaluar u dha verdikti. Të dy u gjendën fajtorë për detyrimin që i kanë bërë dy grave për të prostituar në Trondheim, dhe tani duhet të kalojnë, përkatësisht 16 dhe 15 vite burg në vendin e tyre”
Zbulimi i tyre u bë i mundur kur policë të veshur si klientë, kërkuan të kryenin marrëdhënie seksale në një apartament në Lade në Trondheim.
Kur arritën në apartamentin që kishte rënë dakord me prostitutën, ajo u kërkoi ndihmë për të dalë nga ferri i prostituimit ku ishte zhytur. Gruaja ishte detyruar të shiste trupin për llogari të disa personave në periudhën 2005-2006.
Kërkimet zbuluan se babë e bir Pata përdorin një mënyrë klasike për të mashtruar gratë.
Babai organizonte fillimisht një histori dashurie me gratë, më pas sajonte një pasaportë false dhe më pas udhëtimin e “arratisë” për në Trondheim. Ku priteshin nga i biri, që më pas të dy në bashkëpunim i detyronin të prostituonin./ Opinion.al
