Paralelisht me protestën masive që do mbahet para Kryeministrisë, studentët po protestojnë dhe në rrethe. Kështu në universitetin “Fan Noli” të Korçës studentët kanë vendosur të bojkotojnë procesin mësimor.
Studentet e Fakultetit të Ekonomisë në qytetin juglindor, u grumbulluan tek korpusi universitar.
Studentët duket se janë të vendosur për të vijuar protestën, në forma të ndryshme, deri në plotësimin e të gjitha kërkesave të tyre.
“Nuk do t’u kthehemi auditorëve, kërkesat janë plotësuar pjesërisht. Ka përpjekje për të përçarë protestën dhe blerë studentët, por shumica e tyre janë në mbështetje të kërkesave të artikuluara nga të gjitha Universitetet”, shprehen disa prej tyre.
