Busti i kandidates për presidente në SHBA, Hillari Klinton është hequr nga bulevardi qendror i qytetit të Sarandës, ku u vendos në qershor të vitit të shkuar.
Në fotot që tashmë po qarkullojnë në rrjet, ky fakt duket qartë, ndërkohë që qyetarët e Sarandës dhe konentuesit e rrjteve sociale mendojnë se fenomeni lidhet me fitoren e Donald Trump.
Por burime zyrtare nga Bashkia e Sarandës sikurse citon lapsi.al, që nuk kanë preferuar të identifikohen, i kanë hedhur poshtë këto pretendime duke pohuar se heqja e bustit ka lidhje me risistemimin e lulishtes së qytetit.
Bashkia nuk jep informacione nëse ky bust do të vendoset sërish, do zhvendoset diku tjetër apo do të largohet përfundimisht.
Hillari Klinton u mirëprit në vizitën e saj në Shqipëri, ndërkohë që gjatë fushatës presidenciale në Amerikë edhe Kryeministri i Vendit mbajt qëndrim të hapur në mbështetje të saj.
