Drejtuesit e shtetit i janë dorëzuar plotësisht relaksit, kryesisht në bregun e Jugut të Shqipërisë. Pas miratimit të reformës në drejtësi, kryeministri Rama dhe kabineti i tij janë larguar nga Tirana, duhet thënë edhe të lehtësuar nga barra e madhe që u kishte krijuar debati i miratimit apo mosmiratimit të reformës. Po ku po pushojnë drejtuesit, ministrat dhe deputetët e Parlamentit?
Rama dhe kabineti i tij qeveritar kanë vendosur të kalojnë disa ditë pushimi në bregun shqiptar. Edhe kreu i Kuvendit, Ilir Meta nuk është larguar nga Shqipëria. Madje, ai ka vendosur të pushojë në një nga plazhet modeste të vendit, pikërisht në Shëngjin. Por, ndërsa pushimet e drejtuesve të mazhorancës janë zbuluar, demokratët duken më misterioz.
Kreu i opozitës Lulzim Basha nuk dihet nëse ka nisur pushime. Ai para dy ditësh ka dhënë një intervistë në një prej televizioneve kombëtare të vendit, ndërsa gjatë javës së kaluar pati një bashkëbisedim me gazetarët në selinë blu. Nuk i dihet, ndoshta Basha ka vendosur të pushojë më vonë ose të bëjë pushime ditore.
Ish-kryeministri Sali Berisha, ndryshe nga vitet e kaluara këtë sezon veror nuk ka zbuluar ndonjë rekord në not. Berisha shpesh ka shpërndarë fotografi të tij në plazhin e Gjirit të Lalzit, duke bërë vrap apo notuar. Por kjo ka ndodhur vitet e kaluar. Këtë sezon pushimi nuk dihet ku është saktë ish-kryeministri. Ai nuk është parë as në media apo në takimet e tij me gazetarët, që i bën sa herë ka për të thënë ndonjë gjë të rëndësishme.
Berisha ndërkohë është mjaftë aktiv në rrjetet sociale, duke postuar kryesisht pamje me parcela kanabisi. Ndoshta ish-kryeministri nuk ka shënuar rekordin dhe pret për një moment të dytë të na i zbulojë pushimet e tij, që gjithmonë i kalon me familjen pranë.
Rama dhe Meta
Pushimet e kryeministrit Edi Rama nuk janë enigmë. Kjo edhe për afërsinë ku ai ka ve
Rama dhe Meta
Pushimet e kryeministrit Edi Rama nuk janë enigmë. Kjo edhe për afërsinë ku ai ka vendosur të kalojë disa ditë pushimi. Ai gjatë dy javëve të fundit ka qenë prezent të rrjetet sociale, duke treguar për ndjekësit edhe momente të veçanta të pushimeve me familjen e tij. Kryeministri po kalon pushimet në plazhin e Dhërmiut. Ai ka publikuar fotografi kryesisht me djalin e tij 2-vjeçar. Një herë është parë duke luajtur me djalin e vogël, Zahon tek dallgët, në vijën e bregut.
Kreu i LSI, Ilir Meta është më afër Tiranës dhe në një plazh që nuk para frekuentohet nga politikanë. Dy ditë më parë në mediat qarkulluan disa fotografi, ku shihej Meta i shoqëruar nga bashkëshortja e tij, Monika Kryemadhi dhe nga deputeti Gjovalin Kadeli. Meta shihej mes shumë qytetarëve që pushojnë në plazhin e Shëngjinit.
Ministrat
Ashtu si kryeministri, edhe ministrat kanë vendosur të pushojnë në bregdetin e Jugut, kryesisht në Dhërmi. Veç ministres së Mbrojtjes, Mimi Kodheli që po pushon në plazhin e Jalës, gjithë të tjerët janë vendosur në Dhërmi. Ky plazh duket se më shumë se qytetarë ka ministra, deputetë, drejtorë dhe zyrtarë të tjerë.
Kështu, ministri Klosi, Manjani, Gjiknuri, Ahmetaj, Kumbaro, Harito etj janë parë dhe janë fotografuar në plazhin e Dhërmiut, shpesh edhe në shoqërinë e njëri-tjetrit. Ndërkohë, nuk ka të dhënë për ministren Klajda Gjosha dhe aq më pak për ministrin e rendit, Saimir Tahiri.
Prej dy javësh nuk ka asnjë reagim nga Tahiri. Kjo shton dyshimet që Tahiri të pushojë jashtë vendit. Opozita dy javët e fundit e ka pasur Tahirin në qendër të sulmeve për drogën dhe ai as edhe një herë nuk reagoi, as përmes rrjetet social Facebook, ku shpesh lë shënime. Nuk ka të dhëna as për ministrin e Shëndetësinë, Ilir Beqaj. Ndoshta Beqaj ka vendosur të largohet nga kolegët e tij në Dhërmi.
Deputetët
