I shoqëruar nga Kryeministri Edi Rama, presidenti i Ukrainës Volodymyr Zelensky zgjodhi që drekën e tij të parë në Tiranë ta konsumonte në restorantin e njohur Padam.
Së bashku me liderët e tjerë të Europës Juglindore, të cilët ndodhen në kryeqytetin shqiptar për Samitin e Ukrainës, ata u pritën nga shefi i mirënjohur i restorantit, Fundim Gjepali.
Dreka u konsumua pas përfundimit të punimeve të samitit që u përmbyll me konferencën e përbashkët për shtyp, Rama- Zelensky. Kjo ishte vizita e parë e presidentit ukrainas në vendin tonë.
