Tri makina janë djegur rreth orës 06:00 të mëngjesit në rrugën “Ekrem Rexha” në lagjen “Arbëria” të Prishtinës. Veturat e djegura janë të tipit “Audi”, “Mercedes” dhe “Opel”, bën të ditur policia për Gazetën Express.
Policia njofton se ende nuk dihen shkaqet dhe motivet e kësaj zjarrvënie.
“Ende nuk dihet se zjarri që i ka përfshirë veturat a ka qenë i qëllimshëm apo aksidental”, ka thënë zëdhënësja e Policisë së Kosovës për rajonin e Prishtinës, Flora Ahmeti, të shtunën për Express.
Ngjarja ka ndodhur rreth orës 06:00 të mëngjesit, ndërkohë që në vendin e ngjarjes kanë dalur policia dhe zjarrfikësit.
Raste të veturave të djegura ka pasur edhe më parë në kryeqytet, muaj më parë persona të panjohur i patën djegur veturën gruas së Bajram Gecajt, pastaj edhe asaj të Memli Krasniqit. Për shkaqe dhe motive ende të pazbuluara/Gazeta Express
