Opozita shprehet e vendosur për të zhvilluar protestën kombëtare në Kavajë më 7 maj, ditë kur do të mbahen edhe zgjedhjet për kreun e ri të Bashkisë. E megjithatë përgatitjet për këtë protestë kanë nisur më herët.
Ditën e sotme, kreu i AK, Kreshnik Spahiu, dhe deputeti demokrat Arben Ristani janë fotografuar së bashku duke konsumuar një kafe në Kavajë.
Bashkë me ta janë edhe persona të tjerë, me të cilët me shumë gjasë po bisedojnë për organizimin e protestës së opozitës.
Nuk dihet se çfarë po diskutojnë konkretisht Spahiu dhe Ristani, por me shumë gjasë po paraqesin idetë dhe mënyrën sesi do organizohet protesta.
Një ditë më parë, kreu i AK-së në një intervistë për emisionin “Opinion” deklaroi nëse Edi Rama nuk garanton një marrëveshje me opozitën, atëherë jemi të detyruar të radikalizojmë protestën.
Spahiu argumenton se dialogu me Ramën nuk po funksionon dhe në një pikë që logjika e shëndoshë nuk i hap rrugë marrëveshjes me konsensus, atëherë revolta popullore mbetet zgjidhja e vetme.
