Ish-kryeministri Sali Berisha i është bashkuar protestuesve të shumtë në sheshin përballë Kryeministrisë.
Protestuesit janë ulur këmbëkryq në shesh, bashkë me ta, ndodhet edhe ish-kryeministri shqiptar me një qeleshe në kokë dhe në një foto tjetër, të publikuar nga Opinion.al, me shiritin e protestës.
Pikërisht nga sheshi, mes qindra protestuesve, lideri historik i PD-së ka theksuar se Revolucioni Demokratik ka filluar, sipas tij, kjo protestë është 20 shkurti i ’91.
Berisha bëri me dije se këtu në shesh janë mbledhur misionarët e Shqipërisë.
“Nuk ka forcë në botë që të ndalojë fitoren e tyre. Edi Rama ka vetëm një alternativë të ikë, të ikë, të ikë sa më pare. Rama është fshehur në malet e Sharrit. Fitorja nuk njeh çmim deri në fund”, është shprehur ish-kryeministri Berisha”, tha ai.
