Reperi i njohur Arkimded Lushaj – Stresi është vazhdimisht pjesë e mediave, dhe shpesh herë kjo ndodh për shkak të postimeve të tij në rrjetet sociale.
Javë më parë ai publikoi një video në të cilën tregonte se si policët e pallatit të tij kanë kontrolluar në hyrje për gjetjen e lëndëve narkotike, por që nuk ia kishin dalë.
Ndërsa së fundmi reperi ka publikuar në Instagram një video ku shihet në makinë bashkë me disa miqë të tij të cilët shfaqin haptas marijuanën të cilën do ta konsumojnë.
“Pasi policia na e ka ndaluar nga ankesat e banorëve, kemi vendosur ta pijmë në qarkullim”, kanë qenë fjalët e tij.
Por më e çuditshmja është që Stresi ka vendosur të provokojë duke dëgjuar në sfond këngën “King” të rivalit të tij Ledri Vula, madje edhe në mbishkrimin e fotos ka shkruar disa prej vargjeve të këngës: “Thirrem qysh dush”.
Ndërkohë ende nuk ka pasur asnjë reagim nga kundërshtari i tij Ledri, por e gjitha çfarë dihet është që marrëdhëniet mes tyre janë shumë të acaruara. /Telegrafi/
