Presidenti Bujar Nishani ka kryer ditën e sotme një vizitë të veçantë në xhaminë e Pejgamberit në Medinë, gjatë vizitës së tij në Arabinë Saudite. Nishani ka falur namazin së bashku me të birin i cili mbante veshur rrobën e shenjtë. Presidenti më herët ka vizitur edhe Qabenë e shenjtë, aty ku muslimanët kryejnë ritualet e tyre në çdo kohë të vitit.
Kjo është vizita e parë e një zyrtari të lartë të Shqipërisë në vendin e shenjtë të Mekës, ku Nishani është shoqëruar në këtë vizitë nga autoritete të larta të shtetit saudit.
