Mjeshtri i Madh i sportit të Volejbollit shqiptar për Meshkuj, Shaban Uka ka postuar në profilin e tij një foto shumë interesante por edhe domethënëse për kohën kur është shkrepur. Është një foto që daton 30 vite më parë dhe përkon me dasmën e tij, ku ajo që vihet re në pah është bukuria dhe fustani i bardhë i nuses shumë elegant për kohën i shoqëruar edhe me një kapela ala France dhe dhëndri një yll i viteve të arta të Dinamos në volejboll për meshkujt. Interesante në këtë foto është edhe gostia e dasmës, ku bien në sy sidomos birrat e kohës pa markë të Ndërrmarrjes Tregtare Ushqimore (NTU) “Ali Këlmendi”, që ishin aq të vështira për ti gjetur. Ndërkohë që kjo foto dhe jetëgjatësia e saj simbolizon në një formë edhe vetë familjen shqiptare e cila vazhdon të ruajë besimin në të cilën është lidhur në kurorë.
