Presidenti i vendit Ilir Meta gjithmonë e më tepër në këto ditë festash po shfaqet përtej veshjes zyrtare që ja kushtëzon pozicioni. Pas publikimit të spotit të programit “Xing me Ermalin” ku shfaqet duke i rënë çiftelisë e madje edhe i shtrirë në kashtë e një grazhdi, këtë radhë Meta merr një tjetër rol, por sigurisht në një mision shumë më të rëndësishëm.
Presidenti ka vizituar shtëpinë e fëmijëve “Zyber Hallulli” ku ka shpërndarë dhuratë për fëmijët e kësaj shtëpie.
Ndër të tjera, presidenti ka preferuar të presë dhe të ndajë vetë edhe gjelin e detit, këtë ushqim tradicional të tryezës së fundvitit.
