Kryeministri Edi Rama duket se po shijon pushimet e tij në Majemi dhe këtë e dëshmon kjo foto ku ai shfaqet në shoqërinë e bashkëshortes së tij, Lindës, teksa ndjekin një ndeshje basketbolli të NBA.
Ka qënë ish-Kryeministri Sali Berisha ai që ka postuar në facebook foton ku duket Edi dhe Linda Rama, teksa shijojnë në rradhën e parë të tribunës ndeshjen.
Fotoja sipas Berishës, i është dërguar nga qytetari dixhital.
Çifti është duke ndjekur ndeshjen midis Indiana Pacers dhe Miami Heat, e cila u ndërpre për 30 minuta prej problemeve me ndriçimin.
Dy ditë më parë u bë publik lajmi se Rama ishte në Majemi me ftesë të miqve të tij dhe jo me pushime. Por fotoja tregon Kryeministrin teksa shijon basketbollin, një nga pasionet e vjetra të tij.
