“Goal.com” ka marrë në vështrim atë që mund të bënin në Lojërat Olimpike, disa nga futbollistët, por edhe trajnerët, në qoftë se do ta provonin veten e tyre në sporte të ndryshme të “Rio 2016”, duke filluar me argjentinasin Lionel Messi, që bie në pengesën e fundit, në një garë me kilienin Alexis Sanchez (finalja e Kupës së Amerikës) e deri te Cristiano Ronaldo, i njohur për goditjet predhë të tij. Ndoshta portugezi, sipas imagjinatës së përdorur në këtë rast (fotomontazh), do të ishte më i dobishëm me një armë gjahu në dorë, se sa me një top në këmbët e tij…
Kundërshtarët janë munduar gjithmonë për ta shikuar Neymar të “zhytur”, të paktën në versionin e sporteve olimpike do të jetë duke fituar medalje më tepër se nga goditjet e lira.
Maratona është zakonisht një nga garat më të mërzitshme për t’i shikuar në Olimpiadë, por nuk ka garë të lodhshme për James Milner.
Jeta është një plazh për Ronaldinhon, kështu që, në sportin e volejbollit të rërës mund të jetë shumë i mirë, më komod se mbi kodër, në futbollin profesionist.
Sailing nuk është një sport i lirë, edhe Paul Pogba nuk është një futbollist i lirë…
Carlos Tevez hodhi poshtë për njëfarë kohe Manchester City për të luajtur golf në vendlindjen e tij. Mesa duket, ai e dashuron këtë sport, mund të garonte edhe në Olimpiadë…
Arsene Wenger dhe Jose Mourinho, në fund mund të luftojnë edhe në ring, si boksierë, pas më shumë se një dekade polemikash në distancë dhe konferencave të shtypit plot pompozitet.
Zlatan Ibrahimovic është me një rrip të zi në taekwondo. Ai do të ishte një kundërshtar i frikshëm në këtë sport, pas portretit që ka skalitur tashmë në fushën e futbollit.
Nicklas Bendtner nuk ishte shumë i mirë në golat e shënuar, ndoshta kjo ka kuptim për të, që të kalërojë në stërvitje, hipur mbi një kalë, si një lord….
Wayne Rooney mund ta vërë trupin e tij jo aq të hollë në përdorim të mirë për sportin e peshëngritjes.
Andy Carroll mund të jetë më pak i prirur për lëndime në sportin e kërcimit së larti, sepse ajo shtyllë horizontale mund të lëvizë, nuk është e fiksuar në vend…
Cristiano Ronaldo është i njohur për goditjet e tij predhë, por ndoshta do të ishte më i dobishëm me një armë gjahu në duar, se sa me një top në këmbët e tij.
I hipur mbi një biçikletë, entuziast, Roberto Mancini mund të shkojë deri në garat konkurruese të çiklizmit, aq më tepër tani që është i papunë.
Ndërsa të gjithë miqtë e tij të futbollit do të mund të angazhoheshin në mënyrë të arsyeshme në Lojërat Olimpike, Gonzalo Higuain merr yndyrë në një vend ngrënieje të këtij kompeticioni.
