A hanin vetëm ballistët pula apo edhe partizanët?! Po nëse ballistët hanin pula po partizanët çfarë hanin gjatë Luftës NacionalÇlirimtare? Një nga steriotipet më të zakonshme me të cilin komunistët godisnin ballistët pasi morën pushtetin, ishte që këta të fundit hanin pula. Në fakt një foto e publikuar së fundmi nga studiuesi i historisë Erald Kapri tregon që komunistët jo vetëm nuk ishin vegjetarian, por edhe mishin preferonin ta shkonin në hell. Si kjo foto këtu, ku Kapri shkruan: “kjo ishte një nga ditët e zakonshme në një çetë partizane. Mish në hell”.
“E në fakt të bësh një luftë guerrile kërkon nevoja të shumta e një ndër to është edhe nevoja e ushqimit. Oficerët britanikë kanë raportuar “çudira” të mëdha nga lufta e çetave komuniste. Një ndër to ishte edhe konfiskimi i bagëtisë që u bëhej familjeve të shumta. Kjo ishte një nga ditët e zakonshme në një çetë partizane. Mish në hell”, shkruan më tej Kapri.
