Është zbuluar identiteti i biznesmenit që u plagos ditën e sotme me armë zjarri në qytetin e Shkodrës. Sikundër mësohet ai është Xhevat Vataksi, i cili operon në fushën e ndërtimit në këtë qytet.
Sipas të dhënave policore, ngjarja ka ndodhur në fshatin Bërdicë, ndërkohë që në vendin e ngjarjes ka mbërritur policia dhe kanë nisur hetimet për zbardhjen e plotë të ngjarjes.
Informacioni paraprak
Me datë 05.05.2018 ora 12.30 jemi njoftuar se në fshatin Darragjat Shkodër, ka ndodhur plagosje me armë zjarri, ku ka mbetur i plagosur shtetasi Xh. V. 60 vjeç.
Menjëherë janë vënë në lëvizje të gjitha shërbimet e policisë duke rrethuar zonën dhe duke bërë krehjen e zonës për të bërë të mundur identifikimi dhe po punohet për kapjen e autorit, shtetasit A. L. 43 vjeç, banues në fshatin Berdicë.
Shtetasi Xh. V është dërguar në Spitalin Rajonal Shkodër, i cili ka marrë plagë në kembë, momentalisht ndodhet jashtë rreziku për jetën.
Në vendngjarje ndodhet grupi hetimor nën drejtimin e Prokurorisë Rrethit Shkodër për sqarimin e rrethanave të ngjarjes.
