Takimi i dy ministrave të Jashtëm, respektivisht Sigmar Gabriel i Gjermanisë dhe Bert Koenders i Hollandës, sot, me kryeministrin Edi Rama dhe kreun e opozitës Lulzim Basha, pavarësisht retorikës së deklaratave të bëra; në rrjetin social Instagram është paraqitur e qetë dhe bashkëpunuese mes tyre.
Në profilin e kreut të PD-së, Lulzim Basha në Instagram, takimi me ministrin e Jashtëm të Hollandës Bert Koenders duket mjaft i qetë dhe bashkëpunues.
Kurse kryeministri Edi Rama, me një gjuhë trupi krejt të ngjashme, ka preferuar të publikojë një foto, ku bashkë me ministrin e Jashtëm të Gjermanisë, shfaqen duke parë një material mbi tryezën e kryeministrit Rama.
Të dy ministrat, ditën e sotme, kanë pasur një vizitë zyrtare në Tiranë.
Fillimisht, ata, janë takuar me ministrin tonë të Jashtëm Ditmir Bushati dhe mandej, gjatë ditës, janë takuar me kryeministrin Edi Rama dhe kreun e opozitës Lulzim Basha.
Deklarata e ministrit gjerman u karakterizua nga tone të ashpëra në lidhje me krizen politike në vend, ndërsa ministri hollandez preferoi të mos flasë në media për problemet e brendshme politike.
