Banesa e Prokurorit të Përgjithshëm, Adriatik Llalla prej muajit qershor ruhet nga forcat e Gardës së Republikës.
Në fotot e siguruara për Balkanweb nga gazetarja Klodiana Lala, vihet re se shtëpia tre katëshe me gjithë papafingo ruhet edhe nga kamera të shumta sigurie. Por ajo që vihet re është se punonjësit e Gardës janë civilë dhe jo me uniformë (në rreth).
Prokurori i Përgjithshëm ka marrë disa kërcënime me telefon dhe sms, që dyshohet se janë nisur nga burgu, për një çështje në hetim që kishte të bënte me një grup kriminal që merrej me drogë dhe gjobëvënie.
Prej pak ditësh, familja e kryeprokurorit është larguar nga vendit, drejt një shteti të BE-së, ku ruhet 24 orë. Edhe në Prokurorinë e Përgjithshme ka masa të shtuara sigurie. Ndërkohë që çështja po hetohet nga një grup i vogël prokurorësh të krimeve të rënda.
