“Ajo është me origjinë nga Shkupi, por prej vitesh jeton në Astoria të Shteteve të Bashkuara të Amerikës. Grimierja Suzana Halili ka treguar se karriera e saj nisi falë ndihmës së fotografit Fadil Berisha dhe që prej atëhere në duart e saj kanë kaluar modele të njohura shqiptare dhe të huaja”
3 vjet më parë gazeta “Telegraf” shkruajti se bashkëpunimi i saj më i bujshëm ishte ai me këngëtarin 50Cent në videoklipin e tij “First Date” në vitin 2010. Dhe pas 6 vitesh, duart e Suzanës kurojnë 9 nga femrat më të fuqishme në botë. Bëhet fjalë për kopertinën e fundit të revistës “Forbes”. (foto 2)“Femrat më të pasura të Amerikës, që janë bërë vetë të tilla” është titulli kryesor i këtij numri të Forbes. Të gjitha imazhet e shfaqura në të, janë të kuruara nga duart e Suzanës duke përfshirë këtu emra si Sophia Amoruso apo ish-supermodelja e kthyer në biznesmene, Kathy Ireland.
Që nga Sandra Bullock tek Rene Zellewanger, Goldie Hawn, Lindsey Lohan, Eva Cavalli por edhe modele shqiptare, Suzana Halili është bërë tashmë një nga grimieret më të rëndësishme në SHBA.
